Rematado o primeiro trimestre do curso quixemos celebralo con todas as familias. Para iso adornamos as estancias da Casa da Cultura e preparámonos para actuar.
Comezamos visionando un vídeo elaborado con fotos onde os peques estaban peculiarmente adornados: con lentes de reno, árbore de Nadal, boneco de neve...todos e todas estaban guapísimos.
Logo comezamos coas actuacións.
Primeiro tocoulles o turno aos nenos e nenas de cinco anos que contaron e dramatizaron con títeres o conto "El muñeco de jengibre".
A continuación, os nenos e nenas de catro anos bailaron a ritmo de twist...
Os peques de tres bailaron con marcha a canción "A casa da miña avoa", cada un caracterizado dun animal.
E todos conxuntamente, cantamos un clásico nas nosas aulas de Nadal: a panxoliña "Tres pastelitos".
Este ano incorporamos na nosa actuación unha panxoliña de Nadal "Ala, ola, ala" que ademais de cantar, a signamos con algúns xestos da linguaxe de signos.
E algúns vídeos das actuacións para que queden nas lembranzas...
Grazas pola vosa presenza neste día tan especial para os peques. Desexarvos que pasedes BO NADAL e que a maxia da comunicación reine para todos no ano 2019.
No hay comentarios:
Publicar un comentario